Мамлекеттик салык кызматы документсиз 280 куту айнек буюмдарын аныктады
Мамлекеттик салык кызматы тарабынан рейддик салыктык контроль жүргүзүлдү. Бул тууралуу мекеменин маалымат кызматы кабарлады.
Маалым болгондой, текшерүүнүн жүрүшүндө пломбасы алынган жүк ташуучу унаа текшерилип, товарлардын иш жүзүндөгү саны коштомо документтер менен салыштырылган.
Жыйынтыгында эсепке алынбаган айнек буюмдары жана ашкана идиштери салынган 280 куту аныкталды. Кайра санаганда документтерде көрсөтүлбөгөн 8 миң 720 даана продукция бар экени белгилүү болду.
Аныкталган продукциянын наркы көзөмөл иш-чараларынын алкагында аныкталат.
Текшерүүнүн жыйынтыгы боюнча тиешелүү актылар түзүлүп, материалдар укуктук баа берүү үчүн укук коргоо органдарына өткөрүлүп берилди.
