Президентти шайлоону дайындоо жөнүндө Жогорку Кеңештин токтом долбоору кабыл алынды
Бүгүн Жогорку Кеңештин жыйынында "Кыргыз Республикасынын Президентин шайлоону дайындоо жөнүндө" Жогорку Кеңештин токтом долбоору каралып, кабыл алынды. Бул тууралуу Жогорку Кеңештин басма сөз еызматы кабарлады.
Жыйында аталган маселе боюнча Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин регламенти боюнча комитетинин төрайымы Гульнара Акимбаева маалымат берди.
Ал белгилегендей, Кыргыз Республикасынын Президентин шайлоо Жогорку Кеңештин токтому менен дайындалат. Кезектеги шайлоо иштеп жаткан президенттин ыйгарым укуктарынын мөөнөтү аяктаган жылдын январь айындагы төртүнчү шаршембиде өткөрүлөт.
