Тоңдо ЖИ менен айыл чарба өстүрүүнүн түшүмдүүлүгү 33%га өстү

Тоңдо ЖИ менен айыл чарба өстүрүүнүн түшүмдүүлүгү 33%га өстү

Тоң районунун Аксай айылында спутниктик маалыматтар жана жасалма интеллекттин жардамы менен жүгөрү жана күн карама өстүрүү боюнча пилоттук долбоор башталды. Бул тууралуу Айыл чарба министрлиги кабаралады.

Долбоордун алкагында айыл чарба талааларынын абалы көзөмөлдөнүп, өсүмдүктөрдүн өсүшүнө таасир эткен факторлор талданууда.

Жасалма интеллекттин жардамы менен Ысык-Көл облусунун климаттык шарттарына окшош аймактар изилденип, мындай шарттарда жакшы түшүм берген сорттор аныкталган. Анын негизинде пилоттук талаага жергиликтүү шартка ылайыктуу үрөндөр себилип, сугат суусун натыйжалуу пайдаланууга басым жасалган.

Маалыматка ылайык, Аксайдагы пилоттук талаада сугат суусунун көлөмү көбөйтүлгөн эмес. Талаа эки жолу гана сугарылып, жүгөрү менен күн карама аралаш өстүрүлгөн. Натыйжада түшүмдүүлүк 33%га жогорулаган.

Пилоттук долбоор Кыргыз улуттук университети жана "Кыргызстан спутник" долбоору менен биргеликте жүргүзүлүүдө. Спутниктик технологиялар талаанын абалын көзөмөлдөп, көйгөйлөрдү эрте аныктоого жана сууну үнөмдүү пайдаланууга мүмкүнчүлүк берүүдө.

Алынган жыйынтыктардын негизинде долбоордун тажрыйбасын башка райондорго жайылтуу пландалууда.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды