Жалал-Абадда 400 тонналык логистикалык борбор жана май чыгаруучу ишканалардын иши текшерилди

Жалал-Абадда 400 тонналык логистикалык борбор жана май чыгаруучу ишканалардын иши текшерилди

Айыл чарба министринин орун басары Рысгүл Акимжанова Жалал-Абад облусуна болгон иш сапарынын алкагында Базар-Коргон, Сузак райондорунда жана Манас шаарындагы ишканалардын иши менен таанышты. Бул тууралуу министрликтен билдиришти.

Маалымдалгандай, Базар-Коргондогу "Арзыбай-Ата Компани" соода-логистикалык борбору жылына 400 тоннага чейин мөмө-жемиш жана жашылча сактай алат. Учурда борбордо малина, болгар калемпири, гилас жана сабиз сакталууда. Ишкана продукцияны экспортко да чыгарат.

Сузак районундагы ишкана Орусиядан келген сырьёдон күн карама майын өндүрүп, Жалал-Абад, Ош жана Баткен облустарына жеткирет. Андан тышкары кир самын да чыгарылат.

Манас шаарындагы соода-логистикалык борбордо учурда малина жана гилас сакталууда. Жетекчиси кубаттуулукту кеңейтүү пландары менен бөлүшүп, жеңилдетилген насыя алууга колдоо сурады.

Рысгүл Акимжанова ишкерлердин сунуштарын угуп, маселелер мыйзамдар жана мамлекеттик колдоо механизмдеринин алкагында караларын белгиледи.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды

Акыркы он айда ИДПнын көлөмү 1 трлн 866 млрд сомго жетти

Электрондук тамекиге болгон чектөөнү узартуу сунушталууда

Чүйдө курулуш эрежелерин бузган 3 компанияга 635 миң сом айып салынды