Бир жумада 38 миңден ашуун жол эреже бузуу аныкталды
Өлкө аймагында бир жума ичинде 38 миң 531 жол эреже бузуу фактысы катталды. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматы билдирди.
Алдын ала маалымат боюнча, 18-сентябрдан 24-сентябрга чейин аныкталган бузуулар:
• тиешелүү документи жок унаа башкаруу – 5 691;
• мас абалында унаа башкаруу – 395;
• терезени мыйзамсыз караңгылатуу – 449;
• жөө жүргүнчүлөр тарабынан эреже бузуу – 1 913;
• эксплуатация эрежелерин бузуу – 6 034;
• авто ээнбаштык – 39;
• ылдамдыкты ашыруу – 1 572;
• жасалма мамлекеттик номер менен башкаруу – 9;
• башка эреже бузуулар – 19 012.
Эреже бузгандыгы үчүн 3 417 унаа айып короого токтотулган. ИИМдин ЖКККББсы айдоочуларды жол эрежелерин так сактоого чакырат.
