Gobon Group Кыргызстанга ири инвестиция салат
Инвестициялар боюнча улуттук агенттик жана Gobon Group "Кыргыз Республикасындагы соода-экономикалык аймак" долбоорун ишке ашыруу боюнча меморандумга кол коюшту. Бул тууралуу агенттиктен билдиришти.
Маалымдалгандай, долбоор сооданы, көргөзмө ишмердүүлүгүн, продукцияны кайра иштетүүнү, кампа логистикасын жана тиешелүү инфраструктураны бириктирген заманбап көп функционалдуу аянтчаны түзүүнү карайт.
Сунушталган концепцияга ылайык, долбоор толук ишке киргенден кийин 10 миңге жакын жумуш орду түзүлөт.
Меморандум инвестициялык жана соода-экономикалык кызматташтыкты өнүктүрүүгө, бизнес үчүн мүмкүнчүлүктөрдү кеңейтүүгө жана өлкөнүн транзиттик потенциалын чыңдоого багытталган.
