Коом

Ош шаарында жарандарды тейлөө боюнча заманбап комплекс ачылды

Ишкер Media

28 сен 2026 11:35

Ош шаарында Көкүм-Бий көчөсү, 194-195А дарегинде эки мамлекеттик мекемени бириктирген жаңы комплекс ачылды. Бул тууралуу шаардык мэриядан билдиришти.

Маалым болгондой, салтанаттуу иш-чарага Президенттин Иш башкаруучусу Каныбек Туманбаев, шаардык Кеңештин төрагасы Болотбек Баетов жана мэриянын өкүлдөрү катышты.

Долбоор президент Садыр Жапаровдун калкка көрсөтүлүүчү кызматтардын сапатын жогорулатуу тапшырмасынын алкагында ишке ашты. Жер тилкеси мэрия тарабынан бөлүнүп, курулуш Президенттин фондунун жана Иш башкармасынын каражатына каржыланган.

Комплекс А жана Б блокторунан турат. А блогунда Транспорт каражаттарын жана айдоочулук курамды каттоо боюнча мамлекеттик борбордун Ош аймактык бөлүмү жайгашты. Ал жерде кызматтар "бирдиктүү терезе" аркылуу көрсөтүлүп, унаа каттоо, номер жана күбөлүк берүү, техникалык кароо тилкеси, 60 орундуу күтүү жана 62 орундуу экзамен залдары каралган. Практикалык экзамен үчүн аянты 8 500 чарчы метр болгон автодром курулган.

Б блогунда "Кызмат" мамлекеттик мекемесинин калкты тейлөө борбору иштейт. 1 500 чарчы метр аянттагы имаратта 42 адис күнүнө 1 500гө чейин жаранды тейлей алат. Биринчи кабатта тейлөө залы, электрондук кезек, эне жана бала бөлмөсү, касса, ал эми экинчи кабатта архив жана VIP-зал бар.

Жаңы комплекс жарандарга бардык мамлекеттик кызматтарды бир жерден тез жана ыңгайлуу алууга шарт түзөт.

Мындан тышкары окуңуз

Ошто эл аралык чуркоо марафону өттү

Ош шаарынын күнүнө карата 27-сентябрда эл аралык массалык чуркоо марафону өттү. Бул тууралуу мэриянын басма сөз кызматы кабарлады. Маалыматка ылайык, иш-чарага Өзбекстан, Беларусь, Непал, Индиядан жана Кыргызстандын жети дубанынан 400 адам катышты. Спортчулар Борбордук аянттан "Ак-Буура" үй-бүлөлүк эс алуу багына чейин жана кайра аянтка

Улуттук банкта ишкер аялдарды каржылоо боюнча Хартияга кол коюлду

Бүгүн Улуттук банкта ишкер аялдарды каржылоо кодексин ишке ашыруу боюнча Улуттук Хартияга кол коюлду. Документке Улуттук банк жана Кыргызстандын банктар союзу кол коюшту. Аял ишкерлерди каржылоо кодекси (WE Finance Code) - аялдар жетектеген чакан жана орто бизнести каржылоону кеңейтүүгө багытталган эл аралык демилге. Кыргызстанда ал Улуттук банк, Европа реконструкциялоо жана өнүктүрүү

Бишкекте мыйзамсыз курулуштарды аныктоо боюнча рейд жүрүп жатат

Бишкек шаарынын төрт районунда жерди өз алдынча ээлеп алуу жана мыйзамсыз курулуштарды аныктоо боюнча рейддик иш-чаралар өткөрүлүүдө. Бул тууралуу мэриянын маалымат кызматы кабарлады. Маалымдалгандай, рейддер президенттин 2022-жылдын 8-апрелиндеги №109 Жарлыгын аткаруу максатында уюштурулууда. Текшерүү муниципалдык аймактык башкармалыктар жана конуштардын аймактарын камтыйт. Октябрь районунда №407 МАБда уруксатсыз курулуп

Бир жумада 38 миңден ашуун жол эреже бузуу аныкталды

Өлкө аймагында бир жума ичинде 38 миң 531 жол эреже бузуу фактысы катталды. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматы билдирди. Алдын ала маалымат боюнча, 18-сентябрдан 24-сентябрга чейин аныкталган бузуулар: • тиешелүү документи жок унаа башкаруу – 5 691; • мас абалында унаа башкаруу – 395; • терезени мыйзамсыз