Ысык-Көлгө 800 миң карп-сазандын чабактары коё берилди

25-26-сентябрь күндөрү Балык өнөр жайы комплекси департаментинин Тоң районундагы бөлүмү тарабынан Ысык-Көл көлүнө карп-сазан балыгынын чабактарын коё берүү иш-чарасы өттү. Бул тууралуу Айыл чарба министрлиги билдирди.

Маалымдалгандай, иш-чарага Туристтик-экологиялык милиция, Экологиялык техникалык көзөмөл кызматы, Улуттук илимдер академиясынын Биология институту, ветеринардык башкармалыктын өкүлдөрү жана жергиликтүү тургундар катышты.

Жалпы 800 миң даана чабак көлгө куйган дарыяларга төмөндөгүчө бөлүштүрүлүп коё берилди:

• Караталаа айылы - 7 участокко 200 миң даана;

• Тоң айылы - 15 участокко 200 миң даана;

• Тосор айылы - 19 участокко 200 миң даана;

• 40 участокко - 200 миң даана.

Иш-чара Ысык-Көлдүн балык ресурстарын сактоо жана экосистеманын биологиялык ар түрдүүлүгүн колдоо максатында жүргүзүлдү.