Аймактарга 186 тонна жайыт чөбүнүн үрөнү жеткирилүүдө
Кыргызстанда кунарсыз жерлерди жакшыртуу жана деградацияга учураган жайыттарды калыбына келтирүү үчүн аймактарга 186 тоннадан ашык жайыт чөптөрүнүн үрөнү жеткирилүүдө. Бул тууралуу Айыл чарба министрлиги кабарлады.
Маалыматка ылайык, жакынкы күндөрдө жерлерди үрөн себүүгө даярдоо жана себүү иштери башталат.
Жалпы үрөндүн ичинен 20 486 килограммы дражирленип себилет. Дражирлөө - ар бир үрөндү коргоочу жана азыктандыруучу заттар менен каптап, өнүп чыгуусун жакшыртуу ыкмасы.
Бул багытка республикалык бюджеттен 50 млн сом бөлүнүп, ага 186 440 кг үрөн сатылып алынган. Анын ичинде шалбаа бетегеси, кылкансыз түбү бош, райграс жана эспарцет сыяктуу чөптөрдүн үрөндөрү бар.
