Бир күндүк жумушчулар үчүн салык төлөөнүн жеңилдетилген тартиби киргизилет

Жогорку Кеңештин тармактык комитетинин жыйынында Салык кызматынын төрагасынын орун басары Кубанычбек Ысабеков бир күндүк жалданма жумушчулар үчүн салык төлөөнүн жеңилдетилген тартибин киргизүү сунушталып жатканын билдирди. Бул тууралуу Салык кызматынын маалымат кызматы кабарлады.

Ысабековдун айтымында, азыр такси жана курьерлер үчүн салык жана камсыздандыруу төгүмдөрүн төлөөнүн жөнөкөй механизми иштеп жатат. Эми ушул тажрыйбаны бир күндүк жумуш аткарган жарандарга да колдонуу пландалууда.

Жаңы механизм бир күндүк жумушчулардын социалдык камсыздандыруу маселесин жөнөкөйлөтүп, алардын пенсиялык укуктарын камсыз кылууга багытталган.