Тамчыдагы курулушта экологиялык мыйзам бузулуп, 28 миң сом айып салынды
Ысык-Көл районунун Тамчы айылындагы курулуш объектисинде экологиялык талаптар бузулганы аныкталды. Бул тууралуу Жаратылыш ресуртары министрлиги кабарлады.
Маалыдалгандай, жергиликтүү тургундун кайрылуусунан кийин жүргүзүлгөн текшерүүдө курулуш компаниясынын септиги жана саркынды сууларды башкаруу талаптарга жооп бербегени белгилүү болду.
Натыйжада Укук бузуулар кодексине ылайык компанияга 28 000 сом айып салынды.
Ошондой эле септиктеги сууларды атайын ассенизатор унаа менен үзгүлтүксүз чыгаруу тапшырмасы берилди.
Жаратылыш ресурстары министрлиги жарандарды жана ишканаларды экологиялык мыйзамдарды сактоого чакырат.
