Адылбек Касымалиев Орусиянын Адам укуктары боюнча өкүлү Яна Лантратова менен жолугушту
Министрлер кабинетинин төрагасы Адылбек Касымалиев Орусиянын Адам укуктары боюнча ыйгарым укуктуу өкүлү Яна Лантратова менен жолугушту. Бул тууралуу министрлер кабинтеинен билдиришти.
Маалыматка ылайык, жолугушууда тараптар кыргыз-орусия стратегиялык өнөктөштүгүн чыңдоо жана Орусияда жашап, эмгектенип жаткан кыргыз жарандарынын укуктарын коргоо маселесин талкуулады.
Касымалиев миграциялык жол-жоболорду жөнөкөйлөтүү, балдардын билим алуусуна жана үй-бүлө мүчөлөрүнүн медициналык камсыздоого жеткиликтүүлүгүн камсыз кылуу маанилүү экенин белгиледи.
Өз кезегинде Яна Лантратова кызматташтыкты улантууга даяр экенин айтып, эки өлкөнүн Акыйкатчы институттарынын ортосунда жарандардын укуктарын коргоо боюнча биргелешкен борбор түзүү демилгеси бар экенин билдирди.
