Бишкекте мугалимдердин квалификация программаларына талдоо жасалды
29-сентябрда Бишкекте Smart-Ed долбоорунун алкагында мугалимдердин квалификациясын жогорулатуу программаларына жүргүзүлгөн функционалдык талдоонун жыйынтыктары сунушталды.Бул тууралуу Агартуу министрлиги билдирди.
Маалыматка караганда, талдоо 4 багытты камтыды: география, кыргыз тили эне тили катары, кыргыз тили экинчи тили катары жана мектепке чейинки билим берүү.
Анын максаты - учурдагы программалардын заманбап талаптарга шайкештигин аныктоо.
Жыйынтыкта программаларды өркүндөтүү багыттары белгиленди. Негизги басым практикалык даярдыкты күчөтүүгө жана окуу натыйжаларын баалоого жасалат.
Бул талдоо компетенттүүлүккө негизделген жаңы модулдарды иштеп чыгууга негиз болот.
Маалымат үчүн: Smart-Ed долбоору 2025-2029-жылдары Агартуу министрлиги тарабынан Ислам өнүктүрүү банкы жана GPE колдоосу менен ишке ашырылууда.
