Бүгүн көгүлтүр отко карызы бар абоненттерге газ берүү токтотулат
“Газпром Кыргызстан” ЖЧКсы 30-сентябрда жаратылыш газы үчүн карызы бар абоненттерге газ берүүнү токтотот. Карызды 30-сентябрга чейин төлөө зарылдыгы буга чейин эскертилген. Ушуга ылайык, газ берүү токтотулгандан кийин аны кайра жандандыруу үчүн абоненттер газ боюнча карызын толугу менен төлөшү керектелет.
Мекеменин маалыматына караганда, төлөмдү “Мой газ”, “Мой дом” тиркемелери жана банктардын мобилдик тиркемелери (BAKAI, MBank ж.б.) аркылуу же абоненттерди тейлөө боюнча жакынкы кеңседен жүргүзүүгө болот.
Карыз толугу менен төлөнгөндөн кийин газ берүү эки же үч жумушчу күндүн ичинде кайра жандандырылат. Карызыңызды төмөнкү жолдор аркылуу текшерсе болот:
- “Мой газ” мобилдик тиркемеси аркылуу;
- gazprom.kg сайтындагы жеке кабинеттен;
- ай сайын берилүүчү эсеп-дүмүрчөктөн;
- “Мой дом” мобилдик тиркемесинен;
- 4444 сурап-билүү кызматынын телефону аркылуу.
