Дордой конушунда 570 орундуу жаңы мектеп корпусу курулду
Президент Садыр Жапаровдун тапшырмасы менен Бишкектеги Дордой конушунда, №94 мектептин жанына 570 орундуу жаңы корпус курулду. Бул тууралуу Курулуш министрлиги билдирди.
Маалым болгондой, жаңы корпуста эки нөөмөттө 1000ден ашуун окуучу билим ала алат.
Курулуш 2026-жылдын февралында башталып, республикалык бюджеттен каржыланды. Жалпы аянты 1810 чарчы метр болгон 3 кабаттуу имарат заманбап талаптарга жооп берет.
Азыр ички жасалгалоо жана айланасын көрктөндүрүү иштери жүрүп жатат.Объект окуучулар үчүн ыңгайлуу шарт түзүп, мектеп жетишсиздигин азайтат.
