Тышкы иштер министри Жээнбек Кулубаев Ганага расмий сапар менен барат
30-сентябрдан 1-октябрга чейин Кыргызстандын Тышкы иштер министри Жээнбек Кулубаев Гананын Тышкы иштер министри Сэмюэл Окудзето Аблакванын чакыруусу менен Ганага расмий сапар жасайт. Бул тууралуу министрликтен билдиришти.
Маалыматка ылайык, сапарда кыргыз-гана саясий консультациялары өтүп, эки тараптуу кызматташуу жана эл аралык маселелер талкууланат.
Жыйынтыгында кызматташтыкты тереңдетүүгө багытталган бир катар документтерге кол коюу пландалууда. Ошондой эле министр Гананын жогорку жетекчилиги менен жолугушат.
Күндүн негизги жаңылыктары — Telegram каналыбызда
Каналга катталуу