17 курулуш объектисинде кемчиликтер аныкталды
Мамлекеттик архитектура-курулуш контролдоо департаменти курулуш объектилерин көзөмөлдөө иштерин улантууда. Бул тууралуу Курулуш министрлиги билдирди.
Маалым болгондой, текшерүүнүн жүрүшүндө объектилерде курулуш нормаларынын, ченемдеринин жана техникалык коопсуздук талаптарынын сакталышы, курулуш аянтчаларынын уюштурулушу жана иштердин белгиленген талаптарга ылайык жүргүзүлүшү текшерилди.
Натыйжада 17 курулуш объектисинде кемчиликтер аныкталып, тиешелүү компанияларга жазуу түрүндө эскертүү берилди:
1. "Зстек Строй" ЖЧКсы - Кийизбаев 46а, 48, 50 жана Заречный 51, 53 көчөлөрүндөгү көп кабаттуу объект;
2. "Action" ЖЧКсы - Малдыбаев 246 дарегиндеги 14 кабаттуу турак үй;
3. "Левел Констракшн" ЖЧКсы - Айни 10 дарегиндеги 14 кабаттуу турак үй;
4. "Роял Констракшн" ЖЧКсы - Молдобасанов 86 дарегиндеги 22 кабаттуу турак үй;
5. "Кытай-Кыргызстан-Өзбекстан" темир жол компаниясы - Калыка Акиев 95 дарегиндеги административдик-турмуш-тиричилик корпусу;
6. "03 Новотех" ЖЧКсы - Аламүдүн району, Орто-Сай айылындагы 13-контурдагы көп кабаттуу турак жай комплекси, мейманкана жана жер алдындагы автопаркинг;
7. "Бишкек Пропертис" ЖЧКсы - Раззаков 24 дарегиндеги 18 кабаттуу административдик имарат жана эки деңгээлдүү жер алдындагы автопаркинг;
8. "Бай Турмуш Инвест" ЖЧКсы - Лонгвиненко 25 дарегиндеги 30 кабаттуу көп функционалдуу турак жай комплекси;
9. "МНС Холдинг" ЖЧКсы - Лебединовка айылы, Ленин 222 дарегиндеги 16 кабаттуу объект;
10. "Монолит Капитал Строй" ЖЧКсы - Лебединовка айылы, Мичурин 163 дарегиндеги 16 кабаттуу объект;
11. "Семак Груп" ЖЧКсы - Леваневский 110 дарегиндеги 17 кабаттуу объект;
12. "Имарат Прогресс" ЖЧКсы - Валиханов 1/2, 1/4, 1/5, 1/6 даректериндеги 16 кабаттуу объект;
13. "Монолит Капитал Строй" ЖЧКсы - Молдокулов 100/1 дарегиндеги 16 кабаттуу объект;
14. "Альфа Аура" ЖЧКсы - Ауэзов жана Чүй көчөлөрүндөгү 9 кабаттуу турак үй;
15. "Дивизион Девелопмент" ЖЧКсы - Зеленый 7/1 дарегиндеги 9 кабаттуу турак үй;
16. "СиартСпейс" ЖЧКсы - Масалиев 55 дарегиндеги 4 кабаттуу административдик кеңсе;
17. "Старт Компани" ЖЧКсы - Панфилов 162 дарегиндеги М.Куренкеев атындагы Кыргыз улуттук музыкалык окуу жайы үчүн жатаканасы бар 8 кабаттуу окуу корпусу.
Департамент эскертүүлөрдүн аткарылышын көзөмөлгө алды. Курулуш ченемдерин, коопсуздук жана эмгекти коргоо талаптарын бузгандарга мыйзам чегинде чара көрүлөт.
