Кеминдеги оорукана арыкка агынды төгүп, 28 миң сом айыпка жыгылды
Кемин районундагы Чым-Коргон психиатриялык ооруканасынын канализациясынан арыкка саркынды суулар агып жатканы аныкталды. Бул тууралуу Жаратылыш ресурстары министрлиги билдирди.
Маалымдалгандай, текшерүү учурунда лабораториялык изилдөө үчүн суудан үлгүлөр алынды. Жыйынтыгы боюнча баа берилет.
Факты боюнча мекемеге 28 миң сом айып салынды.Башкы дарыгердин айтымында, буга фекалдык насостор жана компрессордун иштебей калышы себеп болгон. Насостор эки жумага жакын иштебей турган.
Учурда жетекчилик жабдууларды калыбына келтирүү аракетин көрүүдө. Компрессор сатып алууга тендер жарыяланган.
