Кыргызстан менен Монголия билим берүү тармагындагы кызматташтыкты талкуулады
Бүгүн агартуу министри Догдуркүл Кендирбаева Монголиянын Кыргызстандагы Элчиси Дэмчиг Тэгшжаргал менен жолугушту. Бул тууралуу министрликтин басма сөз кызматы кабарлады.
Маалыматка ылайык, министр билим берүүдөгү реформалар тууралуу маалымат берип, мектепке чейинки билим берүү, окуучуларга эрте кесиптик багыт берүү, кесиптик билим берүүнү өнүктүрүү жана мугалимдердин квалификациясын жогорулатууга басым жасалып жатканын белгиледи.
Реформалар эмгек рыногунун талабына ылайык кадр даярдоого багытталган.
Элчи эки өлкөнүн билим берүү тармагындагы кызматташтыгын тереңдетүүгө кызыкдар экенин билдирди.
