ТИМ жана дипкорпус Панфилов мектеп-интернатына 300 миң сомдук жардам тапшырды
1-октябрда Тышкы иштер министрлигинде Кайрымдуулук дипломатиялык жарманкесинин жыйынтыгы боюнча жардам тапшыруу аземи өттү. Бул тууралуу министрликтин маалымат кызматы кабарлады.
Маалым болгондой, иш-чарага ТИМ орун басары Кайрат Турсункулов, дипкорпустун дуайени, Тажикстандын элчиси Назирмад Ализода жана К. Тилебалиев атындагы Панфилов мектеп-интернатынын өкүлү А. Алымкулова катышты.
Мектеп-интернатка 300 000 сомдук сертификат жана тарбиялануучулар үчүн таттуу белектер тапшырылды.Министрлик мындай кайрымдуулук демилгелери салтка айланып, дипломатиялык коомчулуктун өсүп келе жаткан муунду колдоого кошкон салымы экенин белгиледи.
Жарманкеден чогулган каражаттар эки мекемеге багытталды - Кара-Суудагы дүлөй балдар үчүн мектеп-интернаты - 362 130 сом, Панфилов атындагы жетим балдар үчүн мектеп-интернаты - 300 000 сом.
