Кыргызстандыктар 2027-жылды 7 күндүк эс алуу менен тосуп алышат

Кыргызстанда 2027-жылдын январь айында жарандар катары менен 7 күн эс алышат. Эс алуу күндөрү 1-январдан 7-январга чейин созулат. Бул тууралуу Эмгек министрлиги маалымдады.

Билдирүүгө караганда, 2027-жылга карата өндүрүштүк календарь жана иш убактысынын ченеми бекитилди.

Ага ылайык, январь айындагы биринчи жумуш күнү 8-январга туура келет.

Ошондой эле буйрук менен сааттык тарифтик ставканы эсептөө үчүн жумуш убактысынын орточо айлык ченеми бекитилди. Тактап айтканда:

• 40 сааттык иш жумасында - 164,75 саат;
• 36 сааттык иш жумасында - 148,8 саат;
• 24 сааттык иш жумасында - 99,2 саат.