А.Жунушалиев: Шаардын башкы планы менен эле баары чечилип кетпейт

Ишкер Media

19 нояб. 2025 20:17

Бишкек мэри Айбек Жунушалиев борбор калаанын 2050-жылга чейинки планы боюнча маалымат жыйында буга чейин көйгөйгө айланып келген абанын булгануусу маселесине жана башкы план боюнча кыргыз курулушчуларынын нааразычылыгына да токтолуп, шаардын башкы планы панацея эмес экенин билдирди.

“Негизи абаны тазартуу боюнча бир нече программалар, мамлекеттик иш-чаралар бекитилген. Ал жерде бир топ мамлекеттик ишканалар жооптуу катары иш жүргүзүп жатышат. Микроавтобустардын чыгарылышы менен эч кандай экологиялык өзгөрүү болгон жок дегендерге кошулбайм. Болгону шаарда автоунаалар саны көп болгондуктан транспорт тарабынан 45% абаны булгоо сакталып калып жатат”,-деди ал.

Мэрдин айтымында, Бишкек шаарынын башкы план долбоору ачык. “Кыргыз курулушчуларынын башкы планды түзүүгө бизди катыштырбай койду дегендери жүйөлүү эмес. Башкы планды 2 айга коомдук талкууга чыгарып бердик. 3 миңге жакын арыз, кайрылуулар түштү. Анын көбү борбордон жер берүү сунушу менен кайрылган курулуш лобби компаниялардын арыздары. Анын баарын канааттандыра турган болсок, анда Кыргызстандын чет райондорунун баарын борборго көчүрүп келип алышыбыз керек болот. Андайга жол берилбеши керек”,-дейт мэр.

Буга улай мэр борбор калаа ар тараптуу өнүгүп, ар кандай эс алуучу жайлар, парктар, спорттук ареналар, мектептер, бала бакчалар, поликлиникалар болушу керектигин баса белгиледи.

Мындан тышкары окуңуз

Бишкетеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”