Жер титирөөлөргө туруктуу, электр энергиясын аз талап кылуучу 40 мектеп курулат
Өзгөчө кырдаалдар министрлиги “Кыргызстанда жаратылыш кырсыктарынын тобокелдиктерине туруктуулукту жогорулатуу” (ERIK) долбоорунун алкагында Жалал-Абад облусунун Базар-Коргон шаарындагы №65 Б.Абдрашев атындагы мектептин жаңы имаратынын курулушу толугу менен аяктаганын билдирди.
Жаңы курулган мектептин өзгөчолүгү – ал жер титирөөгө туруктуу жана электр энергиясын үнөмдөөгө, ден соолугунан мүмкүнчүлүгү чектелген балдар үчүн ыңгайлуу.
ERIK долбоорунун алкагында Жалал-Абад облусунда 14 мектеп жаңыланат. Алардын ичинен бүгүнкү күндө 3 мектеп пайдаланууга берилди. 2 мектепте курулуш иштери жүрүп жатат жана 2 мектеп тендер этабында.
Кыргызстанда жаратылыш кырсыктарынын тобокелдиктерине туруктуулукту жогорулатуу” (ERIK) долбоорунун максаты –өкмөттүн жаратылыш кырсыктарынын тобокелдигин башкаруу жаатындагы потенциалын жогорулатууга колдоо көрсөтүү.
ERIK долбоору мектептердин жер титирөөгө туруктуулугун жогорулатуу, энергоэффективдүү технологияларды өздөштүрүү, суу менен камсыз кылуу жана санитардык-гигиеналык жагдайды жакшыртуу максатын көздөйт.
ӨКМ тарабынан ишке ашырылып жаткан ERIK долбоорунун алкагында, Дүйнөлүк банктын финансылык колдоосу менен өлкөдө 40 мектеп курулуп жана реконструкцияланып жатат.
