Нарын облустук музыкалык-драма театрына 33 млн сомдук жер участогу кайтарылды

Муратбек Рыскулов атындагы Нарын облустук академиялык музыкалык-драма театрынын жер участогу мамлекеттин менчигине кайтарылганын жергиликтүү администрация билдирди. 

Театрдын жетекчилиги участокту кайтарып алуу үчүн сотко кайрылып, Нарын шаардык жана Нарын облустук административдик соттору ишти карап, экөө тең театрыдын пайдасына чечим чыгарышкан. Жогорку сот бул чечимдерди күчүндө калтырган. 

МинКаб алдындагы мамлекеттик мүлктөрдү башкаруу боюнча агенттиги соттук чечимдин негизинде Орозбаков көчөсүндөгү 0,15 гектар аянтты ээлеген участокту мамлекеттин менчигине алып, аны кайра театрдын башкаруусуна берди. 

Аталган жер участогунун баасы 33 млн сом деп эсептелген. Бул жерге эми ичичнде кызматкерлерге кызматтык батирлер, жаш адистерге жатакана жана гастролдоп келген артисттер үчүн бөлмөлөр бар 3 кабаттуу имарат курулат.