Нарын, Ысык-Көл облустарында саркынды сууларын тазалоо имараттары жаңыртылып жатат

Ишкер Media

11 дек. 2025 16:48

Ведомстволор аралык жумушчу топ Нарын жана Ысык-Көл облустарындагы муниципалдык тазалоо имараттарынын ишине текшерүү жүргүздү. Жаратылыш ресурстары, экология жана техникалык көзөмөл министрлигинин басма сөз кызматы билдиргендей, Нарын шаарындагы 70–80-жылдары курулган муниципалдык тазалоо имараттары авариялык абалда турат.

Ошого байланыштуу, Европа реконструкциялоо жана өнүктүрүү банкынын колдоосу менен ишке ашырылып жаткан "Нарын шаарынын таза суу менен камсыздалышы жана канализация системасын реконструкциялоо" долбоорунун экинчи фазасынын алкагында жаңы тазалоо имараттарын куруу боюнча келишим түзүү пландалып жатат. Долбоордун ишке ашуу мөөнөтү — 36 ай, үстүнө 24 айлык кепилдик мезгили каралган.

Ошондой эле Азия өнүктүрүү банкы колдоого алган "Ысык-Көлдүн туруктуу өнүгүүсү" долбоорунун алкагында Каракол жана Чолпон-Ата шаарларында эски, авариялык абалдагы объекттер толук демонтаждалып, заманбап тазалоо имараттарынын курулушу жүрүп жатат.

Каракол шаарында иштер 80%га бүткөрүлүп, 2026-жылдын июль айында аякташы күтүлүүдө. Чолпон-Ата шаарында курулуш 2027-жылдын июль айында толук бүтөт.

Балыкчы шаарында ушул эле долбоордун алкагында 2022–2024-жылдары толугу менен автоматташтырылган жаңы тазалоо имараттары курулган. Алар ультрафиолеттүү дезинфекция менен жытты нейтралдаштыруу системасын камтыган заманбап тазалоо технологиясы менен жабдылган. Учурда объект сыноо иштеринен өтүүдө. Тазалоонун деңгээли булгоочу заттардын курамына жараша 85–95%га жетет.

Экологиялык мониторинг департаменти эски тазалоо имараттарында саркынды суулардан үлгү алып, алардын абалын жана экинчи ирет булгануу коркунучун баалоону жүргүздү. Ошондой эле Балыкчы шаарындагы жаңы тазалоо имараттарында да суу үлгүлөрү алынды.

Мындан тышкары окуңуз

Дүйнөдөгү эң бай адамдар кимдер?

Дүйнөдөгү эң бай адам катары акшлык Илон Маск турат. Анын бүгүнкү күндө 957 млрд долларлык байлыгы бар. Илон Масктан кийинки экинчи бай адам катары акшлык Лари Пейдж эсептелет. Ларри Пейдж Google компаниясынын негиздөөчүсү жана мурдагы жетекчиси болуп саналат. Анын жалпы байлыгы 304 млрд долларды түзөт. 3-орунда 283 млрд доллар

Зардалы айылына заманбап үйлөр курулат

Баткен облусунун Зардалы айылында заманбап турак жайлар курулат. Бул тууралуу президенттик администрациянын маалыматтык саясат кызматынын башчысы Дайырбек Орунбеков социалдык тармактагы баракчасынан билдирди. Анын айтымында, мурда жетүүгө кыйын болгон аймактарда жашоо шарттарын жакшыртуу багытында иштер жүрүп жатат. Зардалы айылында акыркы жылдары электр энергиясы тартылып, уюлдук байланыш жана интернет ишке киргизилген, ошондой

КРдагы банктар 4 айда 9,5 млрд сом таза киреше табышкан

КРнын Улуттук банкы өлкөнүн банк секторунун 2026-жылдын 30-апрелине карата өнүгүү тенденцияларын жарыялады. Ага ылайык, көрсөтүлгөн мезгилдин аралыгында 24 коммерциялык банк жана алардын 306 филиалы иштеп турган жана алардын тапкан таза кирешеси 9,5 млрд сомго жеткен. Улуттук банктын билдирүүсүнө караганда, банк системасынын жалпы активдери төрт ай ичинде 28,

Эмгек министрлигинде качкындардын укуктарын коргоо маселеси каралды

24-июнда Эмгек, социалдык камсыздоо жана миграция министринин биринчи орун басары Камчыбек Досматов БУУнун Качкындар иштери боюнча Жогорку комиссарынын башкармалыгынын Борбордук Азиядагы өкүлү Махир Сафарли менен жолугушту. Маалыматка ылайык, жолугушууда Досматов Кыргызстан качкындардын укуктарын коргоо жаатында эл аралык уюмдар менен тыгыз кызматташып келерин белгилеп, Бириккен Улуттар Уюмунун колдоосуна ыраазычылык билдирди.