"Кепилдик Фонд": Бир айда 26 үй-бүлө "Келечек" менен өз үйүнө ээ болду

"Кепилдик Фонддон" билдиришкендей, бир айдын ичинде 26 үй-бүлө "Келечек" продуктунун жардамы менен өз үйүн алды. Бул продукт алгачкы төлөмдү төлөөгө каражаты жетпеген жарандар үчүн натыйжалуу колдоо куралы катары калк арасында популярдуулукка ээ болууда.

2025-жылдын 17-декабрына карата "Келечек" ипотекалык продукту ишке киргизилгенден бери жалпы суммасы 94,2 млн сомдон ашкан 78 кепилдик берилди. Бул жарандарга 379,1 млн сомдон ашык суммага ипотекалык кредит алууга мүмкүнчүлүк түздү.

"Келечек" ипотекалык кепилдигин алты өнөктөш банк аркылуу алууга болот: "Айыл Банк" ААК, "Элдик Банк" ААК, "МБанк" ААК, "Дос-Кредобанк" ААК, "Коммерциялык банк КСБ" ЖАК жана "Демир Кыргыз Интернэшнл Банк" ЖАК.

"Келечек" продуктунун негизги шарттары:

• Үзгүлтүксүз эмгек стажы же ишкердик ишмердүүлүк — кеминде 12 ай;
• Ипотекалык каржылоо суммасы — 10 000 000 сомго чейин;
• Кепилдик камсыздоонун өлчөмү — сатып алынуучу турак жайдын наркынын 30% чейин;
• Комиссия — кепилдик суммасынан 2%.

Эскерте кетсек, "Келечек" ипотекалык продукты 2025-жылдын май айында алгачкы төлөмдө кыйынчылыкка туш болгон жарандарды колдоо максатында ишке киргизилген.

"Кепилдик фонд" ААКсы тарабынан көрсөтүлгөн кепилдик колдоонун аркасында ондогон үй-бүлө турак жай шарттарын жакшыртып, өз үйүнө ээ боло алышты.

Толугураак маалымат алуу үчүн 7500 телефонуна чалууга же www.gf.kg сайтына кирүүгө болот.