КРнын Президентинин иш башкармалыгы "Учкун" миноритардык акционерлерден калган акцияларды сатып алат
Кыргыз Республикасынын Президентинин Иш башкармалыгы, "Учкун" ААКсынын акцияларынын 98,74%ына ээлик кылган тарап катары, миноритардык акционерлерден калган акцияларды сатып алуу ниети бар экенин жарыялады. Бул тууралуу коомдун ачык билдирүүсүндө айтылат.
Билдирүүдө белгиленгендей, акцияларды сатып алуунун негизги максаты — акциялар пакетин толук консолидациялоону аяктоо. Сөз Президентинин Иш башкармалыгынын аффилирленген жактарына кирбеген акционерлерге таандык акцияларды сатып алуу тууралуу болуп жатат. Мунун укуктук негизи — Кыргыз Республикасынын "Акционердик коомдор жөнүндө" мыйзамы.
Документке ылайык, акцияларды сатып алуу рыноктук баа боюнча жүргүзүлмөкчү. Баа рыноктук шарттарды эске алуу менен колдонуудагы баалоо ыкмаларынын негизинде аныкталат.
Акцияларын сатуу жол-жобосуна катышуу үчүн акционерлерге "Аскоинвест" ЖЧКсына төмөнкү дарек боюнча кайрылуу сунушталат: Бишкек шаары, Гоголь көчөсү, 28-үй. Ошондой эле билдирүүдө кеңеш алуу үчүн байланыш телефондору көрсөтүлгөн:
- +996 (555) 98-58-06 — Ашимбекова Наргиза
- +996 (556) 50-57-70 — Сыдыкова Айжан
- +996 (706) 646-600 — Кубанычбек уулу Эдил
