Алынган айыл чарба багытындагы жерлердин компенсация нормативдери жаңыртылат

Ишкер Media

30 дек. 2025 10:27

МинКаб айыл чарба багытындагы жерлерди башка категориядагы жерлерге которууда, ошондой эле алардын макамы өзгөртүлбөстөн жер казынасын пайдалануу максатында участоктор берилген учурда айыл чарба өндүрүшүнүн жоготууларын ордун толтуруунун нарктык нормативдерин бекитүү тууралуу токтомдун долбоорун коомдук талкууга чыгарды.

Документ компенсацияларды эсептөөнү бирдиктүү тартипке келтирүүгө жана 2016–2023-жылдары кабыл алынган учурдагы токтомдорду алмаштырууга багытталган. Жерден ажырап калганда компенсация кандай эсептелерин Economist.kg сайты сыдыргыга салып көргөн.

Долбоордо айыл чарба өндүрүшүнүн жоготууларын эсептөөнүн бирдиктүү формулалык механизми сунушталууда. Ал жер участогунун аянтына, жердин базалык салыктык наркына жана салык ставкасына негизделет. Айыл чарба жерлери башка категорияга которулган учурда компенсация атайын коэффициентти колдонуу менен эсептелет, ал эми жердин макамы өзгөртүлбөстөн жер казынасын пайдалануу үчүн колдонулганда — лицензиянын колдонуу мөөнөтү жана участокту рекультивациялоо мөөнөтү эске алынат. Иштеп чыгуучулардын пикиринде, мындай ыкма төлөмдөрдүн өлчөмүн жердин айыл чарба айланмасынан канча убакытка чыгарылганына түздөн-түз байланыштырууга мүмкүндүк берет.

Документте ошондой эле жерлердин түрүнө жараша жоголгон пайданын компенсациясынын өлчөмдөрү так белгиленет.

Тактап айтканда, сугат айдоо жерлериндеги көп жылдык мөмө-жемиш бактары үчүн 1 гектарына 1 760 сом, айдоо жерлер жана дың жерлер үчүн — 1 гектарына 610 сом, чабынды жерлер үчүн — 1 гектарына 350 сом, ал эми жайыттар үчүн — 1 гектарына 90 сом өлчөмүндө ставка сунушталууда.

Мыйзам долбоору менен компенсация катары түшкөн каражаттарды максаттуу пайдалануу да аныкталат. Аталган каражаттарды жаңы жерлерди өздөштүрүүгө, пайдаланылып жаткан участокторду мелиорациялоого, топурактын асылдуулугун жогорулатууга, ошондой эле долбоорлоо-изилдөө иштерине гана багыттоо сунушталган.

Мындан тышкары окуңуз

Кыргызстанда картошка, сүт жана жумуртка кымбаттады

Кыргызстанда айрым азык-түлүктөрдүн баасы жогорулап, кээ бир товарлар арзандады. Бул тууралуу Суу ресурстары, айыл чарба жана кайра иштетүү өнөр жайы министрлиги жүргүзгөн салыштырма мониторингдин жыйынтыгында белгилүү болду. Мониторинг Кыргызстандагы, Казакстандагы жана Россиядагы негизги азык-түлүктөрдүн бааларына жүргүзүлгөн. Кыргызстанда картошканын баасы 2,7%, пастерленген сүт 0,8%, тоок жумурткасы 0,

Айыл өкмөттүн орун басары коррупцияга шектелип кармалды

УКМК тарабынан коррупцияга каршы жүргүзүлүп жаткан системалуу иштердин алкагында, ишкерлердин мыйзамдуу укуктарын жана кызыкчылыктарын камсыз кылуу максатында Ош облусунун Араван районундагы Төө-Моюн айыл аймагынын жооптуу кызматкерлеринин мыйзамсыз ишмердүүлүгүнө бөгөт коюлду. Бул тууралуу УКМКдан билдиришти. Маалыматка ылайык, Кылмыш-жаза кодексинин 343-беренеси (“Пара талап кылуу") боюнча козголгон кылмыш ишинин

Улуттук банк акчаны адалдоого каршы талаптарды күчөтүүнү сунуштоодо

КРнын Улуттук банкы акчаны адалдоого, кылмыштуу кирешелерди легалдаштырууга жана кылмыштуу ишти каржылоого каршы аракеттенүү боюнча талаптарды жаңылоону сунуштады. Тиешелүү токтомдун долбоору коомдук талкууга чыгарылды. Долбоор КРнын мыйзамдарын ФАТФтын эл аралык стандарттарына жана кылмыштуу кирешелерди легалдаштырууга каршы аракеттенүү боюнча Евразиялык топтун сунуштарына, КРнын Укук бузуулар жөнүндө кодексине, ошондой эле Улуттук банктын

Айыптоочулар Ташиев баш болгон саясатчыларга катаал жаза берүүнү суранды

Башкы прокуратура "75чилер иши” боюнча өкүмгө даттануу менен кайрылып, айыпталуучуларга катаал жаза берүүнү талап кылууда. Бул тууралуу Камчыбек Ташиевдин жактоочусу Икрамидин Айткулов билдирди. Анын айтымына караганда, айыпталуучулар мурда акталган кызмат абалынан кыянаттык менен пайдалануу беренеси боюнча прокуратура өкүмдүн актоо бөлүгүн жокко чыгарууну жана жаза мыйзамда белгиленген чектерде болушун суранууда.