Ботаникалык бакка эксперименталдык лабораториялар курулат

Ишкер Media

21 янв. 2026 13:21

Ботаникалык бактын Сухэ-Батор көчөсүнөн Түштүк магистралга чейинки аймагын тазалап, тиешелүү абалга келтирүү пландалып жатканын Ботаникалык бактын директорунун орун басары Нурлан Албанов "Биринчи радио" эфиринде билдирди.

Аталган аймактын аянты болжол менен 80 гектарды түзөт. Бул жерде мөмө-жемиш өсүмдүктөрү боюнча лабораторияларды, ошондой эле атайын эксперименталдык ботаникалык лабораторияны жайгаштыруу каралып жатат.

Директордун орун басары учурда ботаникалык бактын төмөнкү бөлүгүндө — Ахунбаев көчөсүнөн Сухэ-Батор көчөсүнө чейинки тилкеде — бадалдардан жана токойчолордон тазалоо иштери жүрүп жатканын билдирди. Бул участоктогу иштер аяктагандан кийин адистер кийинки аймакка — Сухэ-Батор көчөсүнөн Түштүк магистралга чейинки бөлүккө өтүшөт.

Ошону менен бирге ал бул бөлүк толугу менен жабык болбой турганын белгиледи: аймакта кирүүчү жолдор каралат, ошондой эле тосмолор орнотулат.

Албанов айрым чет өлкөлөрдө ботаникалык бактар акы төлөнүүчү негизде иштей турганын айтты. Анын сөзүнө караганда, эгер ачык зона иретке келтирилип, ыңгайлуу шарттар түзүлсө, келечекте кирүү акысы киргизилиши мүмкүн.

Ошол эле учурда Албанов ботаникалык бактын төмөнкү бөлүгүндө курулуп жаткан объектилер — мини-футбол аянтчалары жана балдар аянтчалары — коммерциялык максатты көздөбөй турганын түшүндүрдү.

Мындан тышкары окуңуз

Кыргызстан менен Грузия салыктык башкаруу жаатында тажрыйба алмашат

Мамлекеттик салык кызматынын төрагасы Алмамбет Шыкмаматов Грузиянын жергиликтүү салык органынын ишмердүүлүгү менен таанышып, эки өлкөнүн салык системалары ортосундагы кызматташууну кеңейтүүгө багытталган бир катар жолугушууларды өткөрдү. Маалыматка ылайык, иш сапардын жүрүшүндө ал Грузиянын Каржы министрлигине караштуу Кирешелер кызматынын жетекчиси Михаил Маглакелидзе менен жолугушуп, салыктык жана бажылык башкарууну өркүндөтүү, санариптик кызматтарды жакшыртуу

Жалал-Абаддык окуучу кыз Түндүк уюлга эл аралык экспедицияга катышат

Жалал-Абад облусунун Майлуу-Суу шаарындагы №54 мектептин 8-классынын окуучусу Мээрим Турдумахаматова “Росатомдун” - “Билимдин муз жаргычы” эл аралык илимий-билим берүү долбоорунун жеңүүчүсү болуп таанылды. “Билимдин муз жаргычы” илимий-агартуучу долбооруна катышуучуларды тандоо 5-майда башталып, үч этап менен өттү. Ага Армения, Бангладеш, Беларусия, Боливия, Бразилия, Венгрия, Вьетнам, Египет,

Нурлан Мотуев каза болду

Саясатчы, коомдук ишмер, Нурлан Мотуев каза болду. Бул тууралуу анын жакындары билдиришти. Маалыматка ылайык, акыркы күндөрү Нурлан Мотуев катуу ооруп жүргөндүгү кабарланган. Мотуев 2005-жылдагы бийлик алмашуу окуяларына жигердүү катышып, ошондон тарта саясатта өзүнүн оюн ачык билдирип келген. Нурлан Мотуев 1969-жылы Нарын облусунун Жумгал районунун Чаек айылында туулган. Кыргызстандын

Өзбекстандын жарандары Кыргызстанда 60 күн визасыз жүрө алышат

Өзбекстандын жарандары Кыргызстанда визасыз 60 күнгө чейин жүрө алышат. Бул тууралуу “Кызмат” мамлекеттик мекемеси билдирди. Маалыматка ылайык, өзбекстандыктар келген соң жашаган жери боюнча каттоого турууга милдеттүү. Каттоону онлайн же Калкты тейлөө борборлору аркылуу ишке ашырууга болот. “Эгерде 60 күндөн ашык калуу пландалса, виза алып, каттоону узартуу зарыл”, – деп белгилешти мекемеден.