Ысык-Атада газбетон чыгаруучу завод иштеп баштайт
Курулуш, архитектура жана турак жай-коммуналдык чарба министри Нурдан Орунтаев Ысык-Ата районунда курулуп жаткан автоклавдык газобетон блокторун чыгаруучу заводдун курулушу менен таанышты.
Ведомстводон маалымдашкандай, министр курулуштун жүрүшү жана жабдуулар менен таанышып, долбоорго толук колдоо көрсөтүлөрүн билдирди.
Аталган завод "ХУА РУЙ" ЖЧКсы тарабынан инвестициялык келишимдин алкагында курулууда, долбоордун жалпы баасы 10 млн долларды түзөт. Завод 2026-жылдын апрель айында пайдаланууга берилери пландалууда.
Ишкана заманбап кытай технологиялары менен жабдылып, күнүнө 500дөн 1500 куб метрге чейин, жылына 200 миң куб метрге чейин автоклавдык газобетон блокторун чыгарууга жөндөмдүү болот. Бул ички рынокту сапаттуу жана жеткиликтүү курулуш материалдары менен камсыздоого, ошондой эле импортко болгон көз карандылыкты азайтууга шарт түзөт.
Учурда негизги өндүрүш корпустары курулуп бүтүп, жабдууларды монтаждоо иштери жүргүзүлүүдө. Кийинки этапта адистер окутулуп, заводду пайдаланууга берүү каралууда.
