Быйыл Бишкек, Ош, Манас шаарларында 36 мектеп ишке берилет

Кыргызстанда президенттин тапшырмасы менен мектептер курулуп жатканын Агартуу министрлигинин коллегиясында Министрлер кабинетинин төрагасынын орун басары Эдиль Байсалов билдирди.

Анын айтымында, Бишкек шаарында 20 мектеп, Ош шаарында 10 мектеп, Манас шаарында 6 мектеп курулууда.

"Бул объектилерди 1-сентябрга чейин бүтүрүү пландалган болчу, бирок курулуш иштери бир аз кечигип башталды. Азыр аларды октябрь–ноябрь айларында бүтүрүү пландалууда", — деп кошумчалады Байсалов.