Ошто 100 жыл мурун курулган мектептин ордуна жаңысы курулат

Ош шаарындагы 100 жыл мурун курулган №3 М.В.Ломоносов мектебинин эски имараты буздурулуп, ордуна 750 орундуу заманбап жаңы мектеп салынат.

Курулуш, архитектура жана турак жай-коммуналдык чарба министрлигинен билдиришкендей, долбоорду каржылоо республикалык бюджеттен каралып, курулуш иштерин 2026-жылдын аягына чейин бүткөрүү пландалууда.

Белгилей кетсек, эски мектеп 1926-жылы курулган, учурда авариялык абалда. Бүгүнкү күндө мектепти бузуу иштери башталды.