Турак жайларды милдеттүү камсыздандыруу пулу түзүлөт
Бүгүн Президенти тарабынан турак жайларды өрттөн жана табигый кырсыктардан милдеттүү камсыздандыруу тутумун өркүндөтүүгө багытталган №122 “Кыргыз Республикасынын айрым мыйзамдарына өзгөртүүлөрдү киргизүү жөнүндө” Мыйзага кол коюлду.
Финансы рыногун жөнгө салуу жана көзөмөлдөө кызматынын билдирүүсүнө ылайык, турак жайларды өрттөн жана табигый кырсыктардан милдеттүү камсыздандыруу боюнча камсыздандыруу пулу түзүлөт. Камсыздандыруу пулун түзүү - турак жайларды милдеттүү камсыздандыруу тутумунун финансылык туруктуулугун жогорулатууга өбөлгө болот.
Ошондой эле камсыздандыруу уюмдарынын ортосунда камсыздандыруу тобокелдиктерин натыйжалуу бөлүштүрүүгө жана камсыздандыруу учурлары келип чыккан кезде жарандарга камсыздандыруу төлөмдөрүнүн өз убагында жүргүзүлүшүн ишке ашырууга шарт түзүлөт.
Мыйзамды ишке ашыруу камсыздандыруу рыногунун өнүгүшүнө, ошондой эле калктын мүлктүк кызыкчылыктарын коргоо механизмдерин чыңдоого өбөлгө түзөт.
