Италияда калдыктардан 3D-принтерде ысылыктарды(закуска) басып чыгарышат
Италиялык окумуштуулар лабораторияда өстүрүлгөн өсүмдүк клеткаларынан жана жемиш калдыктарынан таттуу закускаларды 3D-принтердин жардамы менен басып чыгара башташты.
Долбоор Nutri3D деп аталат жана аны өлкөнүн мамлекеттик илимий-изилдөө агенттиги ENEA иштеп чыккан. Прототиптердин катарына закуска үчүн батончиктер жана жылма "бал берметтери" кирет. Долбоорду ELT Group компаниясынын курамындагы италиялык жеке илимий-изилдөө фирмасы EltHub жана органикалык азык-түлүк өндүрүүгө адистешкен үй-бүлөлүк Rigoni di Asiago компаниясы жетектегени айтылат.
EltHub компаниясынын директору Эрманно Петриккинин айтымында, мындай закускалар ресурстар чектелген шарттарда — мисалы, космосто же кагылышуулар болгон аймактарда — өзгөчө пайдалуу болушу мүмкүн.
Жаңы снектерди өндүрүүдө негизги булактардын бири катары джем даярдоодон кийин калган жемиш калдыктары колдонулушу мүмкүн. Ал лабораторияда өстүрүлгөн өсүмдүк клеткалары менен айкалышып, азыктык батончиктерди басып чыгарууга негиз болот.
Адистердин божомолунда, бул ыкма өндүрүштөгү калдыктарды азайтууга, ошондой эле тез өзгөрүп жаткан климат шарттарында адамдар жакшы көргөн ысылыктарды сактап калууга мүмкүндүк берет. Мындан тышкары, жаңы азык-түлүк жеткирүүдө үзгүлтүк болгон кагылыш аймактарында да 3D-закускалар колдонулушу мүмкүн.
