Транспорт

Кыргызстан менен Беларусь айдоочулук күбөлүктөрдү өз ара таанууну макулдашышты

Мелис Совет уулу

Кыргызстан менен Беларусь айдоочулук күбөлүктөрдү өз ара таанууну макулдашышты

МинКаб төрагасы Адылбек Касымалиев Кыргыз Республикасы менен Беларусь Республикасынын өкмөтүнүн ортосундагы улуттук айдоочулук күбөлүктөрдү өз ара таануу жана алмашуу жөнүндө макулдашуунун тиркелген долбоорун жактырды.

Министрлер кабинетинин 2026-жылдын 27-февралындагы №118-т тескемесинде айтылгандай, Президенттин иш башкармалыгына караштуу Транспорт каражаттарын жана айдоочулук курамды каттоо боюнча мамлекеттик борбордун директору аталган макулдашууну Министрлер кабинетинин атынан кол коюуга ыйгарым укуктуу.

Макулдашууга ылайык, тараптар бири-биринин мамлекетинин ыйгарым укуктуу органдары тарабынан берилген жарактуу улуттук айдоочулук күбөлүктөрдү алмашуу максатында өз ара тааныйт. Айдоочулук күбөлүктөр макулдашуунун тиркемесинде көрсөтүлгөн эквиваленттүүлүк таблицасына ылайык, теориялык жана/же практикалык экзамендерди тапшырбастан алмаштырылат.

Тараптардын биринин мамлекетинин ыйгарым укуктуу органдары тарабынан берилген жарактуу улуттук айдоочулук күбөлүктөрүнүн ээлери, эгерде алар экинчи тараптын аймагында жашоого уруксат (жашап турууга уруксат) алган болсо, каалаган убакта экинчи тараптын ыйгарым укуктуу органына кайрылып, өз айдоочулук күбөлүктөрүн макулдашуунун жоболоруна ылайык ошол тарап берген айдоочулук күбөлүккө алмаштыра алышат.

Жаңылыктар биздин Телеграмм каналда

Мындан тышкары окуңуз

Бишкектеги 14 кабаттуу үйдүн курулушунда мыйзам бузуу аныкталды

Бишкектеги 14 кабаттуу үйдүн курулушунда мыйзам бузуу аныкталды

Курулуш министрлигине караштуу Мамлекеттик архитектура-курулуш контролдоо департаментинин адистери тарабынан борбор калаадагы курулуш объектилерине туруктуу негизде көзөмөл жүргүзүлүүдө. Ведомствонун маалыматына ылайык, көзөмөл иш-чараларынын алкагында Бишкек шаарынын Севастопольская көчөсү, 7 дарегинде жайгашкан 14 кабаттуу турак жайдын курулушунда бир катар мыйзам бузуулар аныкталды. Тактап айтканда, турак жайдын 1-блогунун 7-кабатында
Ошто 35,5 млн сомго "Исанов” көмөк чордону курулат

Ошто 35,5 млн сомго "Исанов” көмөк чордону курулат

Ош облусунда “Исанов” көмөк чордону курулуп, ал жогорку чыңалуудагы электр берүү линиялары аркылуу өлкөнүн электр тармагына кошулат. Долбоор Кыргызстандын энергетикалык инфраструктурасын чыңдоого жана кайра жаралуучу энергия булактарын электр системасына интеграциялоого багытталган. Бул тууралуу Энергетика министрлигинен билдиришти. Маалыматка ылайык, “Исанов” көмөк чордону “Кыргыз Республикасында кайра жаралуучу энергетиканы өнүктүрүү”долбоорунун биринчи фазасынын
ШКУ саммитине байланыштуу бир нече көчөлөр жабылат

ШКУ саммитине байланыштуу бир нече көчөлөр жабылат

30-августтан 6-сентябрга чейин Бишкек, Чүй жана Ысык-Көлдө жол кыймылына убактылуу чектөөлөр киргизилет. Бишкек шаардык мэриясынын маалыматына ылайык, жол кыймылына төмөнкү жолдордо чектөөлөр киргизилет: “Манас” эл аралык аба майданынан баштап Васильев тракты, Ю. Фучик көчөсү, Чүй, Манас жана Ч. Айтматов проспектилери, Ж. Абдрахманов, Байтик баатыр, А. Масалиев, Жайыл
Жайыт жерлерин унаа менен тепселегендерге карата айып пул салынды

Жайыт жерлерин унаа менен тепселегендерге карата айып пул салынды

Жаратылыш ресурстары министрлигине караштуу Экологиялык жана техникалык көзөмөл кызматынын кызматкерлери Аламүдүн РИИБдин кызматкерлери менен биргеликте Аламүдүн районуна караштуу Кашка-Суу аймагындагы Ак-Таш жайлоосунда рейддик иш-чара өткөрүштү. Экологиялык жана техникалык көзөмөл кызматынынмаалыматына караганда, рейддин жүрүшүндө айрым жарандардын автоунаалары менен жайыт жерлерин тепселеп, өсүмдүктөргө жана жаратылышка зыян келтирген фактылары аныкталды.