Нарын облусунда 259 чакырым жолго асфальт төшөлдү
Нарын облусунда 259 чакырым жолдоруна асфальт төшөлгөнүн Нарын жергесинде өтүп жаткан Нооруз майрамында куттуктоо сөзүн сүйлөп жатып президент Садыр Жапаров билдирди.
Мамлекет башчысынын айтымында, соңку беш жылда 50дөн ашык социалдык обьектилер пайдаланууга берилип, жолдор оңдолууда.
“Нарында 5 жылда 259 чакырым жолго асфальт төшөлсө, анын 135 чакырымы былтыркы жылы басылды.
Мунун ичинде Нарын шаарынын борбордук көчөсү толугу менен асфальтталды”,-деди президент.
Белгилей кетсек, учурда Нарын облусунда президенттин катышуусунда Нооруз майрамы белгиленүүдө.
