Жети-Өгүздө Жеңиш – Жайыт – Ак-Терек жолу асфальтталып жатат

Жети-Өгүздө Жеңиш – Жайыт – Ак-Терек жолу асфальтталып жатат

Жети-Өгүз районундагы Жеңиш — Жайыт — Ак-Терек жолунун 3 чакырымына асфальт төшөлүп жатканын Транспорт жана коммуникациялар министрлигинен билдиришти.

Маалыматка ылайык, аталган унаа жолдун жалпы узундугу 36 чакырымды түзөт. Жолдун 28-30-чакырым аралыгында кеңейтүү жана негизин даярдоо иштери аткарылууда.

Бул иштер Транспорт жана коммуникациялар министрлигинин 2026-жылдын Титулдук тизмесине киргизилген асфальт төшөө иштеринин алгачкысы болуп саналат.

Ал арада транспорт жана коммуникациялар министринин биринчи орун басары Тариэл Жаныбеков Чүй облусундагы асфальт-бетон заводдорун, таш майдалоочу ишканаларды кыдырып, жол куруу иштерине даярдык жана материалдардын камсыздалышы менен таанышты. Ал өзгөчө салына турган жолдордун сапаттуу жана өз мөөнөтүндө бүткөрүлүшүнө катуу талап коюп, тийиштүү тапшырмаларды берди.

Ошондой эле ал быйылкы жол курулушуна каралган алгачкы битум партиясы алынып келинип, республика боюнча битум сактоочу жайларга түшүрүлө баштаганын айтты.

Бүгүнкү күндө Жел-Арык, Кыямат-Кыркоол, Маймак, Шамалды-Сай жана Ош-2 битум базаларына битум жеткирилди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

2027-жылы республикалык бюджеттин көлөмү 1 трлн сомдон ашат

Аңчылыктын аякташына 1 айга жетпеген убакыт калды

Депутаттар Кочкордогу чокуга Ормон хандын ысымын ыйгарууну жактырышты

Өкмөт башчы Жогорку Кеңештин комитетинин жыйынына катышты

Нарында селден коргоо үчүн дамбалар курулду