Бишкек мэриясы чакан автобустарды сатып алууну карап жатат

Бишкек мэриясы чакан автобустарды сатып алууну карап жатат

Бишкек шаарынын мэриясында вице-мэр Рамиз Алиевдин төрагалыгы алдында автобус өндүрүүчү компаниялардын өкүлдөрү менен жумушчу жолугушуу өткөрүлдү.

Мэриянын басма сөз кызматы билдиргендей, жыйындын жүрүшүндө сатып алынышы пландалган автобустарга коюлган техникалык мүнөздөмөлөр жана талаптар сунушталды. Жалпысынан 625 чакан көлөмдөгү автобус сатып алуу каралууда. Алар тар көчөлөрү бар турак жай конуштарын тейлөө үчүн ылайыкталган.

Муниципалитет жеткирүүчүлөрдү тандоодо баа менен сапаттын оптималдуу катышына, ошондой эле коопсуздук, экологиялык талаптар жана шаар тургундары менен коноктору үчүн ыңгайлуулук сыяктуу заманбап стандарттарга шайкеш келүүсүнө артыкчылык берерин белгиледи.

Жолугушууга 12ден ашуун автобус өндүрүүчү компания катышты. Компания өкүлдөрү өздөрүн кызыктырган суроолорду берип, алдыдагы сатып алуу боюнча толук түшүндүрмөлөрдү алышты.

Жыйындын жыйынтыгында компанияларга коюлган талаптарды кылдат изилдеп чыгып, белгиленген мөөнөттө коммерциялык сунуштарын даярдоо үчүн убакыт берүү чечими кабыл алынды.

Сунуштар алынгандан кийин Транспорт жана жол-транспорт инфраструктурасын өнүктүрүү департаментинин адистери аларды талдап чыгып, анын негизинде Бишкек шаары үчүн жеткирүүчү жана автобустун так модели тандалат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Депутаттар Кочкордогу чокуга Ормон хандын ысымын ыйгарууну жактырышты

Өкмөт башчы Жогорку Кеңештин комитетинин жыйынына катышты

Нарында селден коргоо үчүн дамбалар курулду

24 жарандын 1,9 млн сом эмгек акысын бербей койгон эки шектүү кармалды

Кыргызстан менен Бразилия соода байланыштарын кеңейтүү боюнча талкуулашты