М.Рыскулов көчөсүнөн Достук айылына чейин 391,6 млн сомго тосмо орнотулат
Бишкек мэриясынын Капиталдык курулуш башкармалыгы Фучика көчөсүндө — М.Рыскулова көчөсүнөн Достук айылына чейинки аралыкка калкалама тосмо орнотуу үчүн тендер жарыялады.
Мамлекеттик сатып алуулар порталында көрсөтүлгөндөй, бул жумуштар Шанхай кызматташтык уюмунун (ШКУ) саммити жана Көчмөндөрдүн дүйнөлүк оюндарында даярдык иштеринин алкагында аткарылат.
Сатып алуу ыкмасы — квалификациялык талаптар менен котировкаларды суроо.
Проекттин жалпы баасы 391 млн 620 миң сом деп бааланган.
Катышуучулардын арыздары 2026-жылдын 9-апрелине саат 10:00гө чейин кабыл алынат. Жумуштарды бүтүрүү мөөнөтү 30-августка чейин, эрте бүтүрүү мүмкүнчүлүгү менен белгиленген.
ШКУ саммити быйыл августта Бишкекте өтөт, ал эми Көчмөндөрдүн дүйнөлүк оюндары 31-августтан 6-сентябрга чейин өткөрүлөт.
