Бишкекте Лев Толстой көчөсү эки этап менен оңдолот
Бишкек шаарында 18-апрелден тарта Лев Толстой көчөсүндө реабилитация иштери башталат.
Муниципалитеттин маалыматына ылайык, оңдоо иштери эки этап менен жүргүзүлөт. Биринчи этапта Термечиков көчөсүнөн Кривоносов көчөсүнө чейинки бөлүгү оңдолот.
Экинчи этапта Кривоносов көчөсүнөн Т. Фрунзе көчөсүнө чейинки тилке убактылуу жабылат.
Жол иштерине байланыштуу коомдук транспорттун айрым каттамдарынын кыймыл схемасы өзгөртүлөт. Тактап айтканда, №23, №62, №80, №227 жана №8(Т) каттамдары өзгөртүлгөн тартипте жүрөт.
Шаар бийлиги тургундарды жаралган убактылуу ыңгайсыздыктарга түшүнүү менен мамиле кылууга жана жол жүрүү багыттарын алдын ала пландап алууга чакырат.
