Бишкекте Түрк мамлекеттер уюмунун транспорт боюнча жумушчу тобунун жыйыны өттү

Бишкекте Түрк мамлекеттер уюмунун транспорт боюнча жумушчу тобунун жыйыны өттү

Бүгүн Бишкек шаарында Түрк мамлекеттер уюмуна (ТМУ) мүчө өлкөлөрдүн Транспортту өнүктүрүү боюнча жумушчу тобунун кезектеги XIV жыйыны болуп өттү. Бул тууралуу Транспорт жана коммуникациялар министрлигинен билдиришти.

Жыйындын күн тартибинде транспорт тармагын санариптештирүү жана транзиттик процедураларды жөнөкөйлөтүү маселелери каралды.

Иш-чаранын алкагында негизги көңүл санариптештирүүгө бурулуп, уюмга мүчө мамлекеттер арасында "e-CMR" электрондук системасын киргизүү мүмкүнчүлүктөрү жана "e-Permit" долбоорун андан ары өнүктүрүү маселелери талкууланды.

Мындан тышкары, Транс-Каспий багытындагы "Орто коридор" аркылуу жүк ташууларды жеңилдетүү, транзиттик операцияларды оптималдаштыруу чаралары каралды.

Ошондой эле Каспий деңизиндеги кызматташтыкты кеңейтүү, анын ичинде паром каттамдарын колдоо жана биргелешкен жүк ташуучу паромдорду ишке киргизүү концепциясы талкууланды.

Жыйында Түркия тарабынан сунушталган транспорттук уюмдарды реформалоо маселеси жана 2022-жылдын 11-ноябрында Самаркандда кол коюлган “Түрк мамлекеттери уюмунун эл аралык аралаш жүк ташуулар жөнүндө макулдашуусунун” күчүнө кириши боюнча пикир алмашуулар болду.

Жыйындын жыйынтыгында ТМУга мүчө мамлекеттердин Транспорт министрлеринин 9-жыйынынын долбоору бекитилди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

24 жарандын 1,9 млн сом эмгек акысын бербей койгон эки шектүү кармалды

Кыргызстан менен Бразилия соода байланыштарын кеңейтүү боюнча талкуулашты

Көчө жарыктары күнгө жараша өчүп-күйүшү мүмкүн

Тобокелдикке багытталган көзөмөл: кандай иштейт жана артыкчылыгы эмнеде?

Сузактын Октябрь айылында жаңы кинотеатр жана эс алуу багы ачылды