Кыргызстан менен Кытай автотранспорт тармагындагы кызматташтыкты кеңейтет

Кыргызстан менен Кытай автотранспорт тармагындагы кызматташтыкты кеңейтет

Бүгүн Транспорт жана коммуникациялар министрлигинде министрдин орун басары Алмаз Тургунбаев Кытай Эл Республикасынын транспорт министринин орун басары Ли Ян жана автотранспорт делегациясынын өкүлдөрү менен эки тараптуу жолугушуу өткөрдү. Бул тууралуу ведомстводон билдиришти.

Жолугушуунун жүрүшүндө автотранспорт тармагындагы кызматташтыкты өнүктүрүүгө байланышкан бир катар маанилүү маселелер талкууланды.

Атап айтканда, тараптар Кыргызстандын Кытай, Россия жана Монголиянын ортосундагы Азия унаа жолдорунун тармагы боюнча эл аралык унаа ташуулары жөнүндө өкмөттөр аралык макулдашууга кошулуу мүмкүнчүлүгүн карашты.

Ошондой эле кыргыз жүк ташуучуларына Кытайдын аймагында габаритсиз жүктөрдү ташууга атайын уруксаттарды берүү маселеси талкууланды.

Мындан тышкары, Кыргызстандын жеңил автоунааларынын Кытайга кирүүсү жана өлкө аймагында кытай таксилеринин ишмердүүлүгүнө байланышкан маселелер каралды.

Жыйындын алкагында Кыргызстан, Кытай жана Өзбекстандын ортосундагы эл аралык унаа каттамдары боюнча макулдашууга ылайык уруксат кагаздарынын бланктарын даярдоо маселеси да талкууланды.

Ошондой эле эки өлкөнүн транспорт министрликтеринин автотранспорт делегацияларынын кезектеги жыйынын Кыргызстанда өткөрүү боюнча сунуштар каралды.

Жолугушуунун жыйынтыгында тараптар транспорт жана логистика тармагындагы кызматташтыкты мындан ары да кеңейтүүгө жана эл аралык унаа ташууларын өнүктүрүүгө кызыкдар экенин билдиришти.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

24 жарандын 1,9 млн сом эмгек акысын бербей койгон эки шектүү кармалды

Кыргызстан менен Бразилия соода байланыштарын кеңейтүү боюнча талкуулашты

Көчө жарыктары күнгө жараша өчүп-күйүшү мүмкүн

Тобокелдикке багытталган көзөмөл: кандай иштейт жана артыкчылыгы эмнеде?

Сузактын Октябрь айылында жаңы кинотеатр жана эс алуу багы ачылды