Нарын – Баетов унаа жолунда асфальт төшөө уланууда
Нарын – Баетов унаа жолунун бир нече чакырымдарында курулуш иштери активдүү жүрүүдө. Транспорт жана коммуникациялар министелигинен билдиришти.
Бүгүнкү күнгө карата:
- 8-13-чакырымга чейинки тилкесинде экинчи катмар асфальт төшөлүп жатат.
- 84-115-чакырымга чейинки тилкенин 11.7 чакырымына биринчи катмар асфальт басылып, калган тилкеде жер иштери жана суу өткөрүүчү түтүктөрдү орнотуу процесси жүрүүдө.
- 99-102 чакырымдын оң тарабына биринчи катмар асфальт басылууда.
- 115-120-чакырым аралыгына асфальт-бетондун төмөнкү катмарын төшөө жумуштары жүрүүдө.
Белгилей кетсек, Нарын — Баетов унаа жолунун жалпы узундугу - 120 чакрымды түзөт.
Унаа жолунун курулушуна керектүү бардык ресурстар толук камсыздалган.
