Тепке-Каракол жолуна асфальт төшөлүүдө
Ысык-Көл облусунун Ак-Суу районундагы Тепке - Курбу - Жылдыз – Каракол унаа жолунда асфальт төшөө иштери активдүү жүргүзүлүүдө. Бул тууралуу “Кыргызавтожол-Түндүк” мекемесинен билдиришти.
Маалыматка ылайык, 2026-жылга карата титулдук тизмеге ылайык, жалпы 3 чакырым жолго асфальт төшөө иштери каралган. Учурда 16,2 -17,5-чакырым аралыгындагы 1,3 чакырымына бир тараптуу асфальт төшөлүүдө.
Иштер “Кыргызавтожол-Түндүк” кызматына караштуу №11 Жол тейлөө ишканасы тарабынан аткарылууда.
Бул долбоор аймактагы транспорттук каттамды жакшыртып, жол коопсуздугун жогорулатууга жана жергиликтүү тургундар үчүн ыңгайлуу шарт түзүүгө багытталган.
