Бишкек – Ош жолуна ири көлөмдөгү таш түштү
4-майдан 5-майга караган түнү саат 01:00–02:00 чамасында Бишкек–Ош эл аралык маанидеги унаа жолунун 440+000-(Тилке: Кара-Көл менен Таш-Көмүрдүн ортосу) чакырымында ири көлөмдөгү таш көчкү түшкөн. Бул тууралуу Транспорт жана коммуникациялар мнистрлигинен билдиришти.
Учурда Транспорт жана коммуникациялар министрлигинин атайын техникалары тарабынан тазалоо иштери жүргүзүлүүдө. Жолдун бир тарабы ачылып, унаалар үчүн бир тараптуу кыймыл камсыздалды.
“Азыр жол эки тараптуу ачылды. Айдоочулардан этият болууну жана жол эрежелерин так сактоону суранабыз”, - дейт министрликтен.
