Транспорт

Көчмөндөр оюндарына карата Ысык-Көлдөгү негизги жолдор оңдолууда

Айгерим Качкынбекова

14 июля 2026 10:52

2026-жылга бекитилген планга ылайык, Ысык-Көлдүн курорттук аймагындагы, анын ичинде Көчмөндөр оюндары өтө турган объектилерге жана пансионаттарга алып баруучу негизги жолдор этап-этабы менен оңдолуп, асфальт-бетон төшөлүүдө.

Транспорт жана коммуникациялар министрлигинин маалыматына ылайык, Чолпон-Ата шаарындагы К. Акматов көчөсү аркылуу "Алма-Ата" мейманканасына алып баруучу жалпы узундугу 1,65 чакырым жолго асфальт толугу менен төшөлүп, объект пайдаланууга даяр болду.

Учурда Чолпон-Ата шаарындагы "Береке" эс алуу жайына алып баруучу жолдо, ошондой эле Курортный, Алтын Жээк, М. Ауэзов көчөлөрүндө жана "Имарат строй" участогунда курулуш иштери уланууда.

Мындан тышкары, Садыр-Аке айыл аймагындагы "Азур Резорт", "Фемели Плейм", "Лагуна Сити", ошондой эле Шайбек-Ата айыл аймагындагы "Дилором", "Ак Бермет", "Турал Резорт" жана "Фонтан" эс алуу жайларына алып баруучу жолдордо да оңдоо иштери жүрүп жатат.

Ошондой эле Кара-Ой айылындагы "Азербайджан" пансионатына алып баруучу 1,3 чакырым жолдо жер жумуштары аяктап, асфальт төшөө алдында турат. Сары-Ой айылындагы "Чайка" пансионатына алып баруучу 1,1 чакырым жолго асфальт төшөлүп, жыйынтыктоочу иштер аткарылууда.

Мындан сырткары, "Алтын Булак" пансионатынын 700 чарчы метрлик автоунаа токтотуучу аянты асфальтталды. Ал эми "Радуга Вест" гольф-клубуна алып баруучу 2,6 чакырым жана Корумду айылындагы "Солемар", "Охотный двор", "Олимп" пансионаттарына алып баруучу жалпы 1,8 чакырым жолдор асфальт төшөө иштерине даярдалууда.

Министрлик Көчмөндөр оюндары башталганга чейин негизги жолдор пайдаланууга берилерин билдирди.

Мындан тышкары окуңуз

Аскер кызматкеринин жаагын сындырган чек арачы камакка алынды

9-июлда саат 15:00 чамасында, Чек ара кызматынын 2051 аскер бөлүгүнүн контрактык негизиндеги аскер кызматкери сержант С. у Э., аскер кызматчыларынын ортосундагы өз ара мамилелердин уставдык эрежелерин бузуу менен, Баткен облусунун Лейлек районунун “Үч-Котон” тилкесинде инженердик жабдуу иштерин аткарып жатып, өз ара келишпестиктен улам 2057 аскер бөлүгүнүн аскер

Мэрия төрт жумадан кийин гана жооп берди, бирок негизги суроо жоопсуз калды

“Ишкер медиа” басылмасы 2026-жылдын 22-июнунда Бишкек шаардык мэриясына муниципалдык коомдук транспортто накталай төлөмдөн баш тартуу боюнча расмий суроо-талап жөнөткөн. Бирок жооп редакцияга 13-июлда гана берилди. Мыйзам боюнча мамлекеттик органдар жарандардын суроолоруна 14 иш күнүндө жооп бериш керек болсо, иш жүзүндө шаар башкармалыгы маселени 20 жумуш күнү

Ноокатта буудай гектарынан 32,2 центнерден түшүм берүүдө

Ош облусунун Ноокат районунда кылкандуу дан эгиндерин оруп-жыйноо иштери уланууда. Учурда 1 700 гектар аянттан түшүм жыйналып, буудайдын орточо түшүмдүүлүгү гектарына 32,2 центнерди түздү. Айыл чарба министрлигинин маалыматына ылайык, бүгүнкү күнгө карата 1 700 гектар аянттагы дан эгиндери жыйналды. Орточо түшүмдүүлүк буудай боюнча 32,2 центнерди, ал эми

Канаттууларды тор менен кармаган чет элдик жаранга 20 миң сом айып салынды

Социалдык тармактарда канаттууларды тор менен кармап жаткан видео тарагандан кийин Жаратылыш ресурстары, экология жана техникалык көзөмөл министрлигинин Нарын регионалдык башкармалыгы текшерүү жүргүздү. Министрликтин маалыматына ылайык, мыйзам бузууга шектелген чет элдик жаран кармалып, Ак-Талаа райондук ички иштер бөлүмүнө жеткирилген. Текшерүүнүн жыйынтыгында Укук бузуулар жөнүндө кодекске ылайык чет элдик жаранга 20