Улуттук банктын тышкы аудитордук уюму бекитилди
Жогорку Кеңештин жыйынында “2026-2028-жылдарга Кыргыз Республикасынын Улуттук банкынын тышкы аудиторун бекитүү жөнүндө” Жогорку Кеңештин токтомунун долбоору каралды.
Баяндамачы Алтынбек Мусажановдун айтымында, Улуттук банк жөнүндө мыйзамга ылайык, тышкы аудитор 3 жылдык мөөнөткө бекитилет. 2026-жылдын 21-апрелинде атайын конкурс өткөрүлүп, анда Улуттук банктын тышкы аудитору катары “Грант Торнтон” аудитордук уюму жеңүүчү деп табылган.
Жыйындын жүрүшүндө, депутаттардын суроолоруна Улуттук банктын башкармалыгынын мүчөсү Жылдыз Сулайманбекова жооп берип, “Грант Торнтон” ЖЧК топ-10 эл аралык деңгээлде таанымал компаниялардын катарын толуктай тургандаган билдирди. Айтымында, жергиликтүү аудитордук компаниялар тийиштүү критерийлерге жооп бербейт, ал эми аталган компания жер жүзү боюнча 100дөн ашуун өкүлчүлүгү бар жана жогорку кадыр-баркка ээ болуп саналат.
Жыйынтыгында бул тууралуу токтом долбоору кабыл алынып, 2026-2028-жылдарга Кыргызстандын Улуттук банкынын тышкы аудитору болуп “Грант Торнтон” ЖЧК аудитордук уюму бекитилди.
