Ош шаарында улуттук валюта - сомдун 33 жылдыгына арналган көргөзмө өттү

Ош шаарында улуттук валюта - сомдун 33 жылдыгына арналган көргөзмө өттү

Кыргыз Республикасынын Улуттук банкынын Ош областтык башкармалыгынын кызматкерлери 2026-жылдын 15-майында өткөн “Улуттук сом – улут сыймыгы” аттуу көргөзмөгө катышты. Иш-чара улуттук валютанын жүгүртүүгө киргизилгендигинин 33 жылдыгына арналган.

Көргөзмө Сулайман-Тоо улуттук тарыхый-археологиялык музей комплекси тарабынан уюштурулуп, анда улуттук валютанын тарыхы, өнүгүү этаптары жана сомдун мамлекет үчүн мааниси тууралуу маалыматтар сунушталды.

Улуттук банктын басма сөз кызматынын маалыматына караганда, салтанаттуу ишчарага музей комплексинин өкүлдөрү, коммерциялык банктардын кызматкерлери, жалпыга маалымдоо каражаттарынын өкүлдөрү жана Ош технологиялык университетинин студенттери катышты.

Ошондой эле улуттук валютанын 33 жылдыгын белгилөөнүн алкагында Улуттук банктын Ош областтык башкармалыгынын өкүлдөрү М. Адышев атындагы Ош технологиялык университети уюштурган эл аралык илимий конференцияга да катышышты.

Иш-чаранын негизги максаты — улуттук валютанын тарыхый маанисин даңазалоо, финансылык сабаттуулукту жогорулатуу жана жаштар арасында сомго болгон сый-урматты арттыруу экени белгиленди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Банктар

Акыркы жаңылыктар

Баары

Улуттук банк төлөм уюмуна айып пул салды

Айыл чарба министрлигинде 1000 күндүк планды ишке ашыруу маселелери боюнча кеңешме өттү

Быйыл 10 айда мамлекеттик бюджетке 669,6 миллиард сом киреше түштү

Корумду – Балбай баатыр жолунун курулушу 91%га аяктады

Эмгек кодексине өзгөртүү киргизилди