Банктар

Шанхай кызматташтык уюмунун өнүктүрүү банкын түзүү боюнча кеңешме өттү

Сапар Акунбеков

29 мая 2026 14:25

28-майда Бишкек шаарында Шанхай кызматташтык уюмунун Өнүктүрүү банкын түзүү маселелери боюнча үчүнчү консультативдик кеңешме болуп өттү. Бул тууралуу Каржы министрлигинин басма сөз кызматы билдирди.

Маалыматка караганда, кеңешмеге Каржы министринин орун басары Нурбек Акжолов жана Кытай Эл Республикасынын финансы министринин орун басары Ляо Минь теңтөрагалык кылышты.

Иш-чарага 26 өлкөнүн делегациялары офлайн жана онлайн форматта, ошондой эле Шанхай кызматташтык уюмунун Катчылыгынын өкүлдөрү катышты.

Жолугушууда катышуучулар ШКУнун Өнүктүрүү банкын түзүү маселесин талкуулап, бул багыттагы кызматташууну улантууга даяр экендиктерин билдиришти. Ошондой эле банкты түзүү боюнча аткарылып жаткан иштер тууралуу маалыматты ШКУга мүчө мамлекеттердин финансы министрлеринин жана борбордук банктарынын жетекчилеринин алдыдагы жыйынында сунуштоо боюнча макулдашышты.

ШКУнун Өнүктүрүү банкын түзүү чечими 2025-жылдын 1-сентябрында Кытайдын Тяньцзинь шаарында өткөн ШКУга мүчө мамлекеттердин башчыларынын жыйынында кабыл алынган.

Кабыл алынган декларацияда ШКУнун Өнүктүрүү банкын түзүүнүн маанилүүлүгү белгиленип, кызыкдар мүчө мамлекеттер банкты түзүү жана анын ишмердүүлүгүнө байланыштуу консультацияларды активдештирүү жөнүндө чечим кабыл алышканы көрсөтүлгөн.

Мындан тышкары окуңуз

Пионер көлүн калыбына келтирүү иштери башталды

"Бишкек жашыл курулуш" муниципалдык ишканасы алдыдагы сууга түшүү сезонуна даярдык көрүү алкагында Пионер көлүн калыбына келтирүү жана ага чектеш аймактарды комплекстүү көрктөндүрүү иштерин баштады. Бишкек шаардык мэриясынын басма сөз кызматынын маалыматына караганда, бүгүнкү күндө объектте 8 даана атайын техника тартылган: 3 экскаватор жана 5 HOWO үлгүсүндөгү оор жүк

Бишкектеги “Анар-Бак” конушуна автобус жүрүп баштады

30-майдан тарта Бишкек шаарында №36 автобус каттамынын кыймыл схемасына өзгөртүү киргизилип, “Анар-Бак” конушу камтылды. Бул тууралуу Бишкек шаардык мэриясынын басма сөз кызматы билдирди. Маалыматка караганда, бул чечим аталган конуштун тургундары үчүн транспорттук жеткиликтүүлүктү жакшыртуу жана ыңгайлуу шарттарды түзүү максатында кабыл алынган. Белгиленгендей, “Анар-Бак” конушунда коомдук транспортту уюштуруу маселеси Бишкек шаарынын

Токтогул суу сактагычында мыйзамсыз балык уулагандар кармалды

Экологиялык жана техникалык көзөмөл кызматы Токтогул суу сактагычынын Кодул тилкесинде мыйзамсыз балык уулоонун алдын алуу боюнча кезектеги түнкү рейддик иш-чара жүргүздү. Бул тууралуу аталган кызматтан билдиришти. Маалыматка таянсак, рейддин жүрүшүндө балык кармоо үчүн тыюу салынган кытай үлгүсүндөгү синтетикалык торлорду жайып жаткан жеринен эки жаран кармалды. Аталган жарандарга карата административдик чара

Садыр Жапаровдун Казакстанга болгон иш сапары аяктады

Президенти Садыр Жапаровдун 28-29-майда Астана шаарына болгон иш сапары аяктады. Бул тууралуу президенттик админстрациянын маалыматтык саясат бөлүмүнөн билдиришти. Маалыматка ылайык, сапардын биринчи күнүндө Садыр Жапаров Евразия экономикалык биримдигине мүчө мамлекеттердин делегация башчылары, байкоочулар жана ардактуу коноктор менен бирге V Евразия экономикалык форумунун ишине катышты. Мамлекет башчысы форумда сөз сүйлөп, жасалма