“Банкроттук жөнүндө” мыйзам долбооруна сунуштар кабыл алынат
Министрлик тарабынан банкроттук чөйрөсүндөгү улуттук мыйзамдарды реформалоо боюнча иштер улантылууда. Бул тууралуу Экономика жана коммерция министрлигинин басма сөз кызматы билдирди.
Маалыматка ылайык, реформанын актуалдуулугу карызкор менен кредитордун ортосундагы финансылык мамилелерди жөнгө салууда заманбап ыкмаларды киргизүү, администраторлордун ишмердүүлүгүнүн кесиптик деңгээлин жогорулатуу жана аларды лицензиялоо тутумун реформалоо аркылуу банкроттук жол-жоболорун өркүндөтүү зарылдыгы менен шартталат.
2026-жылдын 29-майында Дүйнөлүк банк тобунун Кыргыз Республикасындагы кеңсесинин колдоосу менен “Банкроттук жөнүндө” мыйзамы долбоорун жөнгө салуучу таасирди талдоо жүргүзүү боюнча жумушчу топтун мүчөлөрүнүн жана кызыкдар тараптардын биринчи жыйыны болуп өттү.
Иш-чаранын жүрүшүндө Азия өнүктүрүү банкынын жана Эл аралык финансы корпорациясынын эл аралык эксперттери банкроттук жөнүндө мыйзамдарды реформалоо боюнча сунуштарын сунушташты. Жолугушуунун катышуучулары бул чөйрөдөгү мыкты эл аралык тажрыйбаларды кеңири талкуулап, аларды Кыргызстандын шарттарында натыйжалуу колдонуу мүмкүнчүлүктөрүн карап чыгышты.
Мындан тышкары, министрлик аталган чөйрөдөгү укуктук жөнгө салууну реформалоо маселелерин талкуулоо улантылып жаткандыгын жана кызыкдар тараптардан сунуштарды чогултуу жүргүзүлүп жаткандыгын билдирет.
Сунуштар 2026-жылдын 5-июнуна чейин төмөнкү даректер боюнча кабыл алынат:
электрондук почта — bakyt_b@list.ru,
почта дареги — 720040,
Бишкек ш., Абдумомунов көч., 207.
